-
تحذير من ooredoo و 4G
السلام عليكم
مفروض اكتب تنبيه لأكن مع كيوتل(ooredoo) تحذير لأننا عرفنا شغلتهم
الموضوع وما فيه كيوتل من فتره قصيره فتحت خدمه جديده
الي هي 4G للبرودباند طبعا هذي بتكون اسرع من خدمة البرق!!
طريقة الحصول على مفتاح ال 4G بالاتصال على 111 وبكل سهوله راح تفعل الخدمة مقابل 60 ريال شهريا زياده على ال 320
المشكله انك ما تقدر تستفيد من الخدمة إلا في بعض الشبكات وهذا الي انا جاي أحذركم منه .... كان المفروض كيوتل تنبه عملائها ان الخدمة ما راح تستفيد منها إلا في بعض المناطق
أخذت أسامي المناطق من الموقع مالهم
" إن من أكثر المناطق الرائعة والمغطاة بانترنت جوال فائق السرعة هي تلك المغطاة بشبكة الجيل الرابع 4G من Ooredoo، وتشمل هذه المناطق اللؤلؤة وكتارا والخليج الغربي والكورنيش وسوق واقف وملاعب أسباير، بالإضافة إلى مناطق أخرى كثيرة.
بالإضافة إلى ما تقدم فقد قمنا بإضافة منطقتين جديدتين مغطاة بشبكة الجيل الرابع 4G وهما في منتجع السيلين والمنطقة المحيطة به والتي تبلغ مساحتها 20 كيلومترا، وتوفر لك هذه التغطية سرعات عالية من الانترنت الجوال بينما أنت تستمتع بالقيادة على الكثبان الرملية."
طبعا الجمله الأخيرة ما فهمت .. يعني كيف أو ايش الرابط بين سرعة النت والتطعيس..!! أبي استفيد..
المهم هذا الرابط راح تشوف فيه خريطه توضح مناطق البث للخدمة
http://www.ooredoo.qa/ar/DP_4G_ZONES
للأسف كيوتل ما عندها مصداقيه أبدا بس تبي تهب فلوس العالم بدون تنبيه
-
اتصلت من اشوي على حماية المستهلك
قالوا ما نقدر نسوي شئ إلا بعد تقديم شكوى في اوريدو وبعد مرور 30 يوم بدون حل المشكلة تتصل فينا
اتصلت في اوريدو طلبت منهم فقط ذكر في الإعلان حقهم الخدمة ليست فعاله في جميع المناطق طلعت انا الغلطان قالوا ليش مادخلت الموقع من قبل وقرأت على الخدمة .
على الأقل اذكرو في الإعلان ( أقرى باقي التفاصيل في الموقع)
على العموم مع شركة مثل كيوتل نعم كان مفروض أقرى كل شئ لانهم ما يذكرون كامل التفاصيل واذا صارت معاك مشكلة يقولون مذكور في الموقع..
نريدو الاحترام والمصداقية فقط ..
-
اتوقع اوريدوو وضحة ان الجيل الرابع حاليا يغطي الدوحه وليس قطر
وهذا الي واضح من الخريطة ان الدوحه متغطيه بالجيل الرابع
-
نعم اعتقد ان المفروض كيوتل ماتعلن عن الخدمة الا بعد ماتغطي مناطق البلاد كلها
-
المفروض البدء بقيمه رمزيه الى حين
الانتهاء من التغطيه الشامله ,,,,وبالتالي
تكون الناس جربت الخدمه وانتشارها يكون
اسرع,,,,,,
-
بعض المناطق المشموله بالتغطيه في الخريطه مافيها تغطيه فعليه, على الجهاز يطلع لي ان الارسال فل 4جي بس لما افتح مقطع يوتيوب مايشتغل, بس في البيت ال4جي شغال وماعليه كلام. على العموم انصح اي احد قبل لا يشتري القطعه ويشغل خدمة ال4جي يجرب جهاز اي حد من ربعه ويشوف التغطيه واصله للاماكن اللي هو يروح لها ولا لا.
-
بالنسبة ل ٣٢٠ ريال العلم هذي كانت فالسابق وحاليا ٤٠٠ريال وفالاخير كالعادة ماعليك إلا تدفع
-
ههههههه
انا اليوم عرفت السر ليش منزلة شبكة ال4 جي على تردد غير عن باقي العالم حتى عضبن عنك تاخد الجهاز الي بي 999 ريال الصراحة سعر غاااااالي
-
دام انهم حاطين في موقعهم الرسمي المناطق اللي فيها الفور جي يعني انهم منبهين العالم
-
معيذر المنطقة الوحيدة غير المشموله بتغطية شبكه ال 4جي في الريان