عرض للطباعة
بسم الله
عندي استفسار عندي سجل تجاري باسم تجاري معين والنشاط زهور وتغليف و هدايا لكني ما طلعت رخصة تجارية للحين ولا فتحت المحل
المشكلة ابي أحط اسم ثاني بنشاط مطعم بدون ما اغير الاسم الاول والأنشطة التابعة له
هل ممكن اسوي جي وشنو الإجراءات المطلوبة
ارجوا المساعدة
اقتباس:
المشاركة الأصلية كتبت بواسطة مــاي ورد
السلام عليكم ورحمة الله وبركاته ،،
تقبل الله صيامكم وطاعاتكم ويوفقكم وايانا لعمل الخير ..
آمين
بخصوص الاستفسار ( اسم تجاري ثاني بنشاط مطعم ) راح يكون الاجراء
بإضافة فرع جديد باسم ثاني وبنشاط مطعم على السجل الاساسي
( الرئيسي ) وتقدرين تحطين اسم الفرع باسم السجل
الرئيسي مع اختلاف النشاط ..
لكن لازم بعد استخراج واضافة الفرع بالاسم الجديد ترخصين المحل الاول
( الرخصه التجاريه )
يعني ما يصير تطلعين ترخيص مطعم قبل محل الزهور وهدايا ، لانهم راح يطلبون
الرخصه التجاريه للمحل الرئيسي .
وأي استفسار انا فالشوفه وأتمنى قدرت افيدكم .
أخوكم : رحال الدوحه
يسلمو ماقصرت يالشيخ كفيت ووفيت
اقتباس:
المشاركة الأصلية كتبت بواسطة مــاي ورد
السلام عليكم ورحمة الله وبركاته ،،
تقبل الله صيامكم وصالح الاعمال
وعساكم من الفايزين والعايدين
" العفو إختي وربي يوفقج ويوفق الجميع "
وأتمنى الكل يستفيد من المعلومات
اخوي رحال عندي سجل مع شريك اجنبي وابي افتح فرع لمشروع اخر هل الاجنبي يعتبر شريك فالفرع بما انه شريك فالرئيسي
اقتباس:
المشاركة الأصلية كتبت بواسطة المليونير الفقير
السلام عليكم ورحمة الله وبركاته ،،
هلا أخوي وعيدك مبارك .. بخصوص استفسارك اي نعم أخوي بيكون شريك
فالفرع لآن الفرع من نفس السجل التجاري ، تقدر تفتح سجل تجاري جديد
( مؤسسه )
بحكم انك قطري بدون ما يطلبون عليك رأس المال بس تدفع الرسوم .
ربي يوفقك أخوي ويوفق الجميع