ليه كل ماحبيتك اكثر زدت قسوه
ليه كل ماحبيتك اكثر زدت قسوه
وان دريت بحاجتي لك زدت جفوه
وان عطيتك من حياتي ماتريده
ماكفاك وتحسب ان الحب نزوه
والله اني يااحب الناس احبك
والله ان الروح لوترضيك فدوه
والله اني تارك غيرك وجيتك
مزعل الزعلان والعذال عنوه
كل دقه قلب فيني لك قصيده
تكفي الدنيا مع الاحباب غنوه
وكل هاجس مايجيب الاخيالك
سلوتي بالعمر في صحوه وغفوه
اجمع احساسي واشواقي واجيلك
والبس ثياب الهوي والعشق كسوه
انتقيلك من سواليفي حسنهاااا
والقصايد من غزلها كل حلوه
وانثر العبرات والضحكات عندك
باخذ الي تلتقيلك فيه سلوه
واذكر الله كل ماناظرت حسنك
اشهد انك فوق عرش الزين دروه
والله اني يااحب الناس احبك
والله ان الروح لوترضيك فدوه
والله اني تارك غيرك وجيتك
مزعل الزعلان والعذال عنوه
