ياهم رح نام لاتسهر على شاني
ياهم رح نام لاتسهر على شاني
يــا هــمّ / رح نـــام لاتـسـهـر علـشـانـي
عيـونـك اقــراء تعبـهـا فــي محـاجـرهـا
ارتح وانا جروح روحي وضعهـا ثانـي
ضلـوع صـدري عليهـا .. الله يقدرهـا !
ماهو غريـب ان سهـرت الليـل وحدانـي
كـــل اللـيـالـي بـــلا خــــلان سـاهـرهــا
رح خلني عايـش ِ فـي غربـة اوطانـي
اجمـع بقـايـاي قـبـل الصـبـح وانثـرهـا !
مابيـن صبـري علـى يـاسـي وحرمـانـي
ومابـيـن الايــام ماضـيـهـا وحـاضـرهـا
انسـى انـي اللـي يشيـل الجـرح ويعـانـي
وارجــع ل.. ذيـــك اللـيـالـي واتـذكـرهـا
كـــم جـابـنـي درب والا .. كـــمّ ودانـــي
عـلــى طـعــون المـوالـيـف وخنـاجـرهـا
تعـيـش فــي داخـلـي وتـحـرك اشـجـانـي
لـو فـي الحقيقـه ظـروف الوقـت تقهرهـا
لـو تطلـب عيونـي الثنتيـن ب.. العانـي !
فــي ذمـتــي ذمـــه انـــي مـــا اتكـاثـرهـا
كـــم لـيـلـه الـشــوق سـريـتـه وسـرانــي
كنـه يقـدي خـطـاء رجـلـي عـلـى آثـرهـا
العـام .. خلتنـي انسـى النـاس مـن دانــي
مـليـت حيـاتـي مــن اولـهـا لـيــا اخـرهــا
وقــبــل تــمــرّ التـبـاشـيـر .. وتـعـدانــي
عن ساحل الوصل مبحرة ٍ بواخرها !
يـا كثـر مــا احتاجـهـا لـكـن مــا امـدانـي
راحت .. ودنياي مانـي ب.. متصورهـا
حـتــى التفـاكـيـر .. تـامـرنـي وتنـهـانـي
واســدل عـلـى مسرحيتـهـا .. ستايـرهـا
ان طال صبـري علـى سجنـي وسجانـي
ايـامـي المقـبـلـه .. وشـلــون ابصـبـرهـا
صحـيـح جـانـي مـــن الايـــام ماكـفـانـي
لــكــن فـــــدوه .. وعـــــزالله عــاذرهـــا
اللـي مــن الـشـوق تـروانـي وتضمـانـي
كلش ولا اللـي يبـي يجـرح مشاعرهـا !
