لاهل الخبرة .. ابي مساعدتكم في زيارتي حق لندن

السلام عليكم و رحمة الله و بركاته

اخواني و اخواتي الكرام

ان شاء الله ناويين نزور لندن شهر 5 و تقريبا بتكون الزيارة من 8 /5 لين 5/22

بكون انا و زوجي و كتكوتي الصغير

يا ليت تفيدوني من حيث السكن و الجو اشلون بيكون تقريبا في فترة زيارتي

و بالنسبة للسكن يا ليت يكون في مكان امن و نظيف اهم شي و يكون في سوبرماركت و مطعام قريبه منه و ما يكون غالي و حبذا لو تكون شقه صغيرة فيها مطبخ تحضري على شان اجهز اكل ولدي و يكون السعر مناسب مب غالي

المشكلة اني دورت بس على الفاضي:telephone: بسبب ان ما عندي خلفية عن البلاد

و للعلم هاي اول زيارة لي

و شاكرة لكم حسن تعاونكم

و عساكم عالقوه

شهر 5 الجو بيكون ربيعي مع انه حطي في بالج جو لندن عمره ماثبت على شي

السكن للشقق الأخوان بيفيدونج اكثر مني

من راي تسكنون اول اسبوع بفندق وتروحون تشوفون الشقه على الطبيعه قبل ماتأجرونها
مرات الكلام شي والواقع شي ثاني

بالتوفيق

السلام عليكم ورحمة الله وبركاته

عزيزتي كم ميزان يتح للسكن فقط ؟

انا عندي الماي فير من أنظف الاماكن للسكن ومكانها مقابل الهايد بارك و يمينج اكسفورد والايدجوال رود و يسارج النايتس بردج والبيكاديلي وخلفج النيوبوند ستريت بس سعرها مب رخيص

انا ع العموم ما اليد سالفة السكن في الأيدجوال رود أبدا
اذا بتسكين في اكسفورد والا النايتس بردج والا الهاي ستريت كنزكتون
انتي بس حطي الميزانية و المكان اللي تبيه يعني تسوق والا تبين شي معين
بحوال أساعدك بقدر ما اقدر

و للعلم ترى أسعار السكن زادت بشكل جنوني هاليومين وخصوصا الفنادق ومافي حجوزات

ميزانيتي من ١٣ لين ١٥ الف للسكن

و بالنسبة للاسعار ارتفعت لان اعتقد عندهم اولومبيات او شي شهر ٧

انزين اخواني مب لازم شقه ممكن فندق بس اهم شي يكون فيها مطبخ

و شكرا لكم

الجو بيكون ممتاز

والسكن بطرش عليش رقم اليوم ان شاء الله

مهوب عندي الحين

اتمنى من الاعضاء يفيدونج..لانى باذن الله مسافرة في الصيف مع العيال..وابي مكان يكون في اماكن اللعاب وترفيهي واهم شي مطاعم عربية..وكوفي

يفضل شقق فندقية

العماره الحمراء في شارع كروم ويل

مكان راقي وهادي وقريب من كل الأماكن اللي بتحتاجونها وجنبها جمعيتين

هالعماره فيها عيب واحد ، الشقق مستواها متفاوت ، لا تاخذون الشقه إلا بعد ما تشيكون عليها

وعليكم بالدور الثالث ، سكنت في شقتين راقيات جداً الأسبوع بـ 400 باوند

وبحاول انبش عندي يمكن كتبت ارقام الشقق

المهم الرجال المسؤول عن العماره اسمه اياد وهذا رقمه 447973220175 +

وعنده رقم ثاني فيه سبعات واجد بس مالقيته

بالتوفيق ان شاء الله

,,



اذا اول مره نصيحه اسكني في فندق ودوري على الشقق براحتك


لو مانطبخين احسن لك فندق .. واذا محتاجه طبخ الشقق احسن


فيه شقق في اجودر رود .. قريبه من كل المحلات والمطاعم وراقيه ونظيفه

وفيه لو حبيتي في شارع الاجودر رود شقق راقيه اخرى للكويتين ويمدحونها الناس

تحتها على طول سوبرماكت الوادي الاخضر وقريبه من كل شي

فيه منطقة الماي فير .. من ارقي المناطق هناك وغاليه بس جميله ونظيفه

وبعيده عن شارع العرب ..


شوفي ويش يعجبك وابشري ان شاء الله ..


اتمنى لك رحله سعيده ..



اللحين شهر ابريل .. لندن فيها الكثير من الخليج والحجوزات فل .. احجزي قبل روحتك بفتره



,,

اقتباس:

---

المشاركة الأصلية كتبت بواسطة doha2012

,,



اذا اول مره نصيحه اسكني في فندق ودوري على الشقق براحتك


لو مانطبخين احسن لك فندق .. واذا محتاجه طبخ الشقق احسن


فيه شقق في اجودر رود .. قريبه من كل المحلات والمطاعم وراقيه ونظيفه

وفيه لو حبيتي في شارع الاجودر رود شقق راقيه اخرى للكويتين ويمدحونها الناس

تحتها على طول سوبرماكت الوادي الاخضر وقريبه من كل شي

فيه منطقة الماي فير .. من ارقي المناطق هناك وغاليه بس جميله ونظيفه

وبعيده عن شارع العرب ..


شوفي ويش يعجبك وابشري ان شاء الله ..


اتمنى لك رحله سعيده ..



اللحين شهر ابريل .. لندن فيها الكثير من الخليج والحجوزات فل .. احجزي قبل روحتك بفتره



,,

---

من جذي انا احجز من الحين

ممكن اي رابط للحجز او رقم تلفون

و شكرا

هذي الشقق اللي في كنزكتون كورت

http://www.central-london-apartments...kensington.php


وهذي اللي في النايتس بردج

http://www.central-london-apartments...ghtsbridge.php


وهذي اللي جهة الماي فير و اكسفورد

http://www.central-london-apartments...a-west-end.php

انا أحط لج الخيارات لأني ما احب اختار وبعدين يدعون علي ههههه
واذا تبين فندق أنصحك بالثيستل ماربل ارش