عرض للطباعة
السلام عليكم
اخواني انا اسمع ان فيه سجل تجاري وانا مادري بالظبط حق شنو واسمع ان بعض الناس تاجره بأيجار شهري وناس تبيعه بمبالغ ضخمه فقلت بطلع لي سجل تجاري بس ابي اعرف منكم
كم يحق لي اخذ سجل تجاري ؟؟
وشنو الطريقه ؟؟
ونوع السجل التجاري اللي ماشي يعني اقدر ابيعه او اجره ؟؟
وجزاكم الله خير
يالربع افيدوني جزاكم الله خير
بالتوفيق ان شاء الله
وياك اخوي
بس معقوله ماحد عنده خبره ؟؟
وين التجاار ؟؟؟
شوف الله يسلمك , الناس ما تشتري السجل لذاته ! الناس تشتري الترخيص الموجود في السجل !
فتلفى واحد يقول عندي سجل بترخيص مغاسل مثلاً ! فتقول الناس هذا الترخيص غير مميز !
لكن تلقى موظفين يريدون يتاجرون وما يقدرون يسجلون شركات لأن القانون يمنعهم من هذا , لكن يقدرون الحصول على السجل من خلال هذه الثغره !
هذا عن شراء السجل , لكن ذاك الي يأجر ويعطي المستأجر حق التوقيع ممكن يلقى نفسه وسط دوامه ملاحقات قانونيه من وزاره العمل الداخليه والبنوك !
كيف ؟ يجيك المؤجر ويطلب فيز على السجل , ويبيع هذه الفيز بطريقه لن اشرحها هنا ! ممكن ينمسك الشريكين بقضايا اتجار بالبشر ! يوجد نتائج كارثيه على اصحاب السجل غير تلك القانونيه ! حيث سيوضعون في لسته سوداء تمنعهم من اخذ فيز ( وممكن تمتد الى الفيز الشخصيه) !
ايه ممكن يحصل مع البنوك ! ممكن المؤجر ياخذ ديون على السجل من البنك ! عاد انت تعال ورقع عقب ما ياخذ الفلوس ويهد على الطياره !
والله ياخوي مافهمت بصرااحه
ابي طريقه توضيحيه اكثر
لاني ابي اطلع سجل تجاري
اخوي شوف المواضيع في هالقسم وراح تستفيد وبتلقى الاجوبه
اولاً : ما انصحك تاجر السجل لانك بتدخل في دوامه وممكن تتورط
ثانيا : انت ماحددت اي سجل تبي تطلع وشنو نوع النشاط اللي في بالك مايصير سجل بدون تحديد
نصيحه لاتقدم على اي خطوه بدون دراسه وفي موضوع عن تاجير السجل في هالقسم بيفيدك
انا عندي خبره في المقاولات لاكن مازلت متردد ادخل في هالمجال فدير بالك ياخوي لاتتورط
بالتوفيق في كل خطوه والله يحفظك
منابر خالده
جزاك الله الف خير اخوي
وتسلم على النصيحه
والشي اللي في ورطه مانبيه
...!!@@@.....
انا مافهمت والله