نصيحة الى كل موظف قطري .. ابتعد عن (المحلات) و(التريلات) و(الورة)
اشعر ان غالب الموظفين القطريين وغير القطريين يريد يتاجر
يريد يستثمر فلوسه
يريد يحس بالتجارة وانه اصبح تاجر .. او عنده محل يفتخر فيه
فالفلوس صارت هم الناس هذي الايام بشكل مبالغ ... وانا ما الومهم
وهذي نصيحة لوجه الله لكل موظف قطري.
ابتعد عن
1. المحلات: لان فيها وجع راس مع البلدية وقوانينها الي كل يوم تتغير ... ضرائب جديدة كل يوم مرة للمالية ومرة لغرفة تجارة قطر وهذي غير الكهرباء والماء .... وجع راس مع صاحب المحل الي يرفع الايجار وهذي غير الايجارات المرتفعة.... وجع راس مع العمال وسكنهم وفيزتهم وصحتهم ... مشاكل كثيرة تاخذ من وقتك وانت موظف ماعندك وقت .. اذا بتكون كفيل فقط وشخص اجنبي يسوي كل شيء فتوكل على الله
2. التريلات: انتهى عهدها واصبحت هم لمالك التريلا بعد ان كانت تدخل 15000 ريال صافي بالشهر .. هذي غير مشاكل المرور الي ماتخلص
3. الورة او تاجير باصات: الا بطارية خربانه .. الا السفايس تغيير... الا التامين .. وجع راس مزمن ماينتهي .. وكله على حساب وقتك .. والمصيبة ان التنافس عليها صار قوي
نصيحة لكل موظف قطري
التجارة في 3 امور:
1. عقار وهو الافضل .. يعيبه ان اسعار العقار مرتفعه جدا
2. التداول بالانترنت ... سواء بورصة قطر او عملات او ذهب وهذي عيبها الخسائر .. مب مثل العقار ثابت بشكل افضل
3. شراء ارقام سيارات وجوال .. السوق فيها هادء هذي الايام
اذا ماكنت موظف فافتح محل
اما اذا انت موظف فنصيحة ابتعد
والتجارة هذي الايام صعبة جدا
مب مثل قبل
