عرض للطباعة
يا جماعة الخير ....
انا في حيرة من أمري ....
عندي أرض في المرخيه (أراضي المسند) .. شريتها يوم كان الفوت ب 20 .. و كنت مفكره ابني عليها ..
بس حاليا شلت فكرة البنا من راسي تماما ... لأن الفوت وصل 90 هناك ... و في نية اني ابيعها ....
هل ابيعها الحين .. و استثمر فلوسها في البورصه ...
ولا
اصبر عليها؟ وليش؟
و بـــــــــــــــــس ..
شكرا :o
السلام عليكم
الارض اصل ثابت والاسهم والله اعلم يوم طالعا ويوم نازلا
يعني الصراحا حرام تبيع هل ارض يالي في المرخيه 90 ريال الفوت مهب سعر اليوم في المرخيه الله يسلمك السعر
تغير يمكن طافت 100 ريال الفوت والمرخيه منطقه مرغوبه بشكل فظيع يعني محظوظ يالي يحصله ارض فيها
ونا واحد فرط المرخيه ايام مكانت 40 - 50 للفوت ومتحسف.
والله يوفقك
السلام عليكم
لا تبيعين ..
الأرض ما تبي لا ماي ولا اكل .. احتفظي ابها .. ما وراها ويع راس ولا محاتاه
اما الأسهم .. ما وراها غير عوار القلب
اذا بتبيعين وتبين الفلوس حق شي غير .. ذيج الساعه معلي مب مشكلة
اما انج تاخذين فلوس الأرض وتحطينها في البورصة .. لا لا تحملي
وبالتوفيق يارب
اقترح عليج انج تخلينها ولاتفكرين انج تبيعينها الا اذا كنتي محتاجه لان المنطقه ممتازه
والاسهم مالها امان
اذا فكرت تبيعين هناك,, فأنا أرغب اني أشتري في تلك المنطقة,, لأني أود أن أبني لي هناك لقرب المسافة من عملي ومن بيت الأهل أيضا,,
بس مثل ما قالوا الاخوان,, العقار مدخوله ثابت,, وياريت لو تقدرين تستغلين الأرض وبناء عليها فلتين اذا كان عندك امكانية,, لأن في هذه الحالة ممكن تستفيدين من الأجار,, وبالتالي بيدخل عليك دخل ثابت,,
والله أعلم
اتـــهـــقــــون!!!!
يالله شوركم وهداية الله ...
انا كانت عندي فكره اني ابيعها ..و احط الفلوس في البورصه بس هالكم شهر فترة ال Booming وبعدين باشتري ارض في مكان اخر ...
بس مثل ما يقولون طير في اليد .. ولا عشر فوق الشجره ...
مشكورين و يعطيكم العافيه :)
وبــــــــــــــــــس ...