عرض للطباعة
السلام عليكم ورحمه الله وبركاته حبيت اطرح موضوع كيف تقتصد فلوسك حتى اخر الشهر تكون محوش مبلغ تخليه للظروف الطارئه وايضا في السفر كيف انك تتمتع في السفر بحيث انك ماتصرف كثير الي عنده خبره يقول لاني من النوع الي يعتمد على المثل اصرف مافي الجيب وابي اقتراحاتكم وافكاركم
من معلق قلبه بالصلاه ما تفوته
شدخل مافهمتاقتباس:
المشاركة الأصلية كتبت بواسطة mazen37
بنت الشيوخ بقولج تجربتي
انا مثلج بضبط صرف غير طبيعي وماحاسب وكثير السفر وخصوصا اوروبا وامريكا
من سنتين كان معاي مستشار مالي في الحكومه في مهمه رسميه وجزاه الله خير عطاني معادله وترتيب ممتاز لايتسع المقام لذكره بس باختصر لج شتسوين لانه الشي النظري يمللل خلينا في العملي
انا عندي عقارات ومزرعه منتجه لها عوايد وعندي اسهم ذات دخل سنوي ولي مخصصات من الديوان غير راتبي فبالتالي فيه صرف وفيه مدخول ومافيه تنظيم ابدا
ولكن كل شي ترتيب وتنسق من سنتين
ولنفرض راتبج 30 الف ريال
شوفي كم صرفج الشهري ولنفرض 10000 هذا الحساب بنسميه رقم 1
حطي 10000 بلوك وهذي الحساب رقم 2
وخلي 10000 في حساب التوفير رقم 2 كل شهر حولي عليه هذا خليه حساب مخصص للسفر فقط يعني اي سفره لج تروحين لهالحساب ويفضل تخلينه من 6 شهور لين سنه كبدايه فتح الحساب وعقب تسحبين منه
وافتحي في بنك اخر حساب خاص نزلي 10000 هالمبلغ ينسحب منه فقط في حاله انتهت 10000 وتاخذين جزء منه فقط الي تحتاجينه هذا رقم 3
طبعا نهايه كل سنه سوي جرد طبعا طبعا رقم 1 مستهلك ولنفرض صار صفر
رقم 2 مال السفرات انتي استهلكتيه واستفدتي منه مثلا ولنفرض بعد وصل للصفر
رقم 3 يفترض فيه شي لو جزء بسيط اذا وصل هو بعد صفر
راجعي نفسج البلا منج في الصرف:)
طبقي الفكره سنه
وشوقي هذا سياسه ادخار وماقولج ضيقي ع نفسج بالعكس اصرفي بالمعقول
فكره خطيرهاقتباس:
المشاركة الأصلية كتبت بواسطة مخطط قطري
يعني الانسان اذا نوى يسوي شي سواهاقتباس:
المشاركة الأصلية كتبت بواسطة $بنت شيوخ$
بس يعزم ويقرر وينوي وربنا ييسر اموره
وعليكم السلام و رحمة الله وبركاتة
مرحبا اختي
بعطيج تجارب و طرق حلوه في توفير الراتب و حتى في السفر وان شاء الله تستفيدين منها :
اولا : حاولي تفتحين حساب توفير و اذا فرضنا ان راتبج 20 الف حاولي تخلين البنك يحول 10 الاف ريال اول ما ينزل الراتب لحساب التوفير و حاولي تأقلمين نفسج عليها ( الفكرة انج تحاولين تتأقلمين على المبلغ الباقي و صدقيني صعبة فالبداية و بعدها بتصير سهلة ) .
ثانيا : عند السفر مب لازم يكون اختاري الفندق بعناية مثلا فيه فنادق ممتازة خمس نجوم بس اسعارها مبالغ فيها و و فيه فنادق 4 ستار قمة في الروعة يعني قبل السفر يفضل اختيار الفندق مثلا بعناية .
ثالثا : ( التخطيط ) مثلا اذا فرضنا انج ناوية تسافرين لازم تحددين قبلها بفترة و تحجزين حجز مبدئي عشان تحصلين ارخص تذكرة بسعر مناسب .
اكيد فيه شهور بتحتاجين تصرفين اكثر خصوصا اذا كان فيه مناسبات لكن حاولي تتقيدين بالطريقة وصدقيني بتشوفين الفرق
مرحبا يا بنت شيوخ
عندي حل وإن شالله يعجبج
اشتري فيلا ممتازه وفي موقع حلو
إشتري الفيلا بالاقساط
وبكذا تدفعي قسط شهري
وطبعن ما في مجال تهربي من قسط البنك
والفيلا يلي شريتها
تقدري تحطي دخلها في حساب منفصل
والعائد من قيمة الايجار حطينها للظروف الصعبة
ولحالات الطواري
وبكذا تكوني وفرتي من راتبج الشهري
وشريتي فيلا وطبعن الفيلا من الاصول الممتازه لكل ظروف الزمن
وسعر الفيلا يطلع بحكم ان الاسعار تطلع دائما على مر السنين
وكسبتي عوائد طالعه من الايجار
وكسبتي سمعه حلوه لانج تملكي عقار
وما راح تحسي بالكدر والضيق من
ضياع الراتب بشكل شهر بدون عوائد تذكر
وبكذا كسبتي في كل الاحوال
مع تحياتي المزروعي
دبي