-
مشكلتي مع جوالي البورش
السلام عليكم ورحمة الله وبركاته ..
بقولكم مشكلتي ..
اشتريت بلاك بيري بورش شهر 7-2012 كلفني 7 الاف
المهم الجوال اختربت الازره اللي هي .. الزر الاخضر والاحمر وزر البيبي وزر الرجوع
تقريبا الخط كامل اخترب ماينضغط بدون سبب ..
وعرفت ان هالمشكله تصير في البورش ..
وديته للمحل اللي شريته منه وقلتله يتصلح على الضمان او يتبدل بجديد نفس الوكاله اللي ف اللاقونا .. وماكان عندي الفاتوره
المحل خلص تصليحه في ثلاث ايام .. ولما راح زوجي للتلفون عطوه فاتوره 1200 ريال
وقالوا الازره مش من ضمن الضمان .. هالكلام ماقالوه الا لما خلصوا كل شي
عطيتهم الكرتون حق الجوال .. قالوا لازم الفاتوره قلتلهم مب عندي
بس تقدرون تشوفون فواتير شهر 7 وبتحصلون النسخه حق الفاتوره .. يقولون ماعندنا
واللحين هم مب راضيين يبدلون التلفون الا بالفاتوره ..
مب عارفه شسوي معاهم .. ويقولون ماعندهم فواتير الاشهر اللي طافت
طبعا هم نصابين يبوني استسلم وادفع .. وانا مب مجبوره ادفع 1200 ريال ..
وبعدين قالوا خلاص ادفعي 600 ريال والنص الباقي احنا بندفعه .. عيني عينك نصب
المهم اني ادفع فلوس .. مافي شي يجبرهم يدفعون عني نص المبلغ لو كانوا صادقين
عطوني حل ؟
-
دامه ع الضمان شامل كل شئ
اذا ضمان دولي ولا ضمان لاقونا. يتصلح او يتبدل ع الضمان
بس اذا الجهاز انفك في محل على طول الضمان ملغي
-
ماشاالله كريم بيدفع النص مره وحده ليش فاتح جمعيه خيريه
الله يعينكم
-
الفاتورة كلام فاضي اصلن السريال نمبر للتلفون مسجل عندهم بالسستم ومايحتاج فاتورة ولا شي
-
Welcome to Qatar
كالعاده حقنا ضايع الله يعوضج خير
-
أختي جربي مع حماية المستهلك والله يعينج
-
عن نفسي جوالي صاده مثل جوالك وتلفوني بدون ظمان شاريه من محل تلفونات المهم عطوني رقم اتصل عليه وقلت لهم مشكلة التلفون طرشولي صندوق من دبي عن طريق ارمكس وحطيت التلفون فيه وودوه دبي صلحوه ورجعوه ولا دفعت اريال
-
أختي عطيه 400 ريال فقط لأن هذا هو سعر الفلاته الأصلي. واجهزه المحلات ضمانها شركه سيل الإماراتيه. كان المفروض يرسله لكم للإمارات. يتصلح مجانا.
نصيحه إلي يبي يشتري بورش يأخذه من اللاجونا
-
الضمان يشمل الازره واذا الجوال ما يتصلح يتبدل من الضمان
حتي لو ضمان دولي
انا جوالي جاته نفس مشكلتش وتبدل الجهاز الخارجي من كور وكيبورد ولكن بنفس البن كود
-
الضمان يشمل الازره واذا الجوال ما يتصلح يتبدل من الضمان
حتي لو ضمان دولي
انا جوالي جاته نفس مشكلتش وتبدل الجهاز الخارجي من كور وكيبورد ولكن بنفس البن كود