بطارية ريموت السياره

السلام عليكم ورحمة الله

امس فضة عندي بطارية الريموت مال السياره وقلت خلني اشوف كشك تصليح الساعات

اكيد بحصل عنده وطبعاّ انا مبدل من قبل وعندي فكره عن الاسعار المهم يوم وصلت عنده الا يبدل بطاريه نفس اللي انا ابيها حق هندي وسويت نفسي ماشوفه لاني ابي اشوف هل راح يستغل اني قطري او لا المهم عقب ماخلص من الزبون قلت له بدل بطارية الريموت قال لي تبي اصلي او تجاري قلت ليش فيه تجاري قال لا فيه صيني قلت لا ركب الاصلي اللي هي سويس نفس اللي ركبها للهندي اللي قبلي وعقب ماخلص قلت له كم رفيق قال 45 ريال قلت ليش قال هذا اصلي قلت واللي قبلي ليش ركبتله بـ 20 ريال انحرج وسكت قال خلاص مافيه مشكله جيب 20 شوفوا لأي درجه مستغلينا واكثرنا يدفع ويمشي ولاهمه

فنصيحتي انتبهو من هالحراميه اللي نشفو دمنا بالأسعار الخرافيه في كل شي

حتى 20 ريال لاتستهين فيها البطاريه نفسك انا ركبتها ب 20 وهي من الاساس ب10 وكلها برغيين يعني مش شي جايد لهالسعر .....

صحيح كلامك اخوي

واحد من الربع يحلف انه مركب نفسها 12 ريال

لكن لا حول لنا ولا قوه

دام حماية المستهلك على حالهم ونفس الأداره الحاليه الله يكون في عونا

اذن من طين واذن من عجيب

انا بدلت بطارية ريموت البي إم بـ 35 من وكالة اللاند مارك ، لو الفرق بسيط خلها من الوكالة وريح عمرك .

يا الربع البطاريه على ما اظن شفتها في أحدى الجمعيات ما تزيد عن عشره ريال ، كأنه 8 ريال ،
وانا شريت الوحده بـ 20ريال من الأكشاك لتصليح الساعات ،،

المشكله ياخوي

ان حماية المستهلك لازم تفرض على كل المحلات ومن ضمنها الاكشاك قائمه بالأسعار

وتكون محدثه من قبل حماية المستهلك ويكون فيه رقابه عليها

لكن للأسف لا حياة لمن تنادي

ياخوي انا اركبها على طول ب 15 ريال توني مبدلها من اسبوع عند جمعية الميره بن عمران

ايه عبد الغني تويوتا لهف الاولي والتالي 33 ريال للبطارية........ والنوع باناسونيك واذا رحت باناسونيك يلهف اكثر شوف الرابط
وانشالله حماية المستهلك على راتب الخدامة الفلبينية
http://ysv.me/166269