سعر بناء مخزن كبير

حبيت استفسر عن الاسعار المتداولة لبناء مخزن مساحة البناء بين 4000 الى 5000 متر مربع

بكرة باقابل شخص عنده شركة وباسئله باذن الله بس الشركة مقرها في الامارات ولا ادري لو يقدرون ينفذون مشاريع أو لا واحتمال عندهم مواد كافية

غير تقدر تشوف بتلر - المناعي وغيرهم أكيد شركات كثيرة .. وأكيد تعتمد على التفاصيل والعقد وهم ممكن يعطونك مقترحات

نصيحة شوف ثلاث شركات وفكر في مقترحاتهم ومناسبتهم لك وبعدين فكر في السعر .. أكيد فيه متطلبات للمخازن وشروط بعد من التخطيط

وبالتوفيق

,


,


مرحبا


صعب اخوي تعرف السعر من خلال المساحه
يعتمد على نوع الحديد وسماكته و الارتفاع ونوع المواد العازله وبتركب فيه تبريد مكيفات او لا
ونوع السقف سماكه ( الساندويش ) وهل هو مائل هرمي او على شكل نصف دائره
اختلاف كبير بالسعر لازم يشوفون مكان المخزن داخل الدوحه
او بعيد لنقل المعدات

نصيحتي تسوي ( خريطه ) ورخصه بناء وتشرح للمهندس
احتياجك واللي بتخزنه فيه حتى يعمل حساب مساحه الأبواب والتهويه والاضاءه ونوع الارضيه
هل بتدخل فيه رافعه فور لفت لنقل الأغراض المخزنه
وقوه الكهرباء ومن وين بتتمدد


عندك شركه الجابر ممتازين باعمال الحديد

,

,

هناك بعض الخلفيات الي ممكن اجهلها بخصوص البناء...
ولكن 90% من مساحة البناء مفتوحة لانه بكون لمصنع والعزل فقط محتاج يكون معزول عن الغبار والرطوبة لانها تأثر على المكائن.

في رسم بنائي من بنك التنمية لمشروعهم اسمه جاهز تقريباً نفس التصميم اللهم فقط اختلاف بسيط بالطول والعرض للمبنى او المستودع

https://www.dropbox.com/s/sal51gdymr...yout1.pdf?dl=0

والارتفاع بين 9-13 متر كحد اقصى.