المواطنون يتأملون خيرا من قرار يكسر الشك باليقين ! ..

السلام عليكم

أثناء المسيره الجماهيريه الحاشده في الكورنيش ..

التقيت ببعض المتجمهرين وبدأت أتحدث معاهم عن الاسياد وعن قطر بشكل عام ..

وهنا أعرض عليكم أبرز الامور والاسئله التي سألناها لهم ..

1- محمد (( طالب في جامعه من جامعات قطر .. )) ..

السلام عليك شحالك ..

والله بخير .. يسرك الحال ..

أشوفك مستانس بالزحمه والهرنات .. !

والله شقولك .. قطر فرحه .. اليوم واحد من ايام الاعراس لقطر .. ولازم نفرح فيه ..

زين شحببك في الاسياد ؟؟

والله الاسياد فخر وعز لدولتنا قطر .. وبكل أمانه اتمنى ان تنجح قطر في أستقبال الالمبياد .. علشان تصير الفرحه فرحتين ..

ههههه .. ماشاء الله عليك .. ماخلصت من الاولى مستعجل على الثانيه :) ..

والله ياخوي الحمد لله المعطيات كلها تشير الى أن الاسياد بعون الله شغل عدل ..

زين شتتمنى في خلال فتره الاسياد ؟

والله انا خاطري أحظر أغلب العاب الدوره خاصه ان هل الشئ يمكن مايتكرر على جيلنا الحالي .. ويمكن يتكرر بالمستقبل ! ..

زين وش الي بيمنعك ؟

(( ضحك وأبتسم وقال )) ما يحتاج أكمل الاجازه بكل تأكيد .. أحرمونا منها !!



------------------------------

2- سعيد موظف في أحد الشركات في الدوله ..

هلا بك ..

هلا والله ..

ماشاء الله شرايك بالحفل يا طويل العمر .. ؟

والله ييا خوي .. شئ يفتح النفس .. انا جيت مع العيال .. علشان نستانس بهل الحدث التاريخي .. وخاصه ان هذي المسيره بتكون خالده بالتاريخ ! ..

زين اخوي بتكون متواجد خلال فتره الاسياد وله بتسافر ؟

سفر لاء .. تونا راجعين من السفر بالعيد الي طاف ! وان نوينا ففي العيد الجاي ! .. اما حاليا لاء .. وبعون الله بكون متفرغ للاسياد وللمباريات خاصه المنتخب ..

شتتمنى من الدوله خلال فتره الاسياد ؟

والله نتمى الاجازه ! علشان نحضر الملاعب ونشرف بلادنا ..


------------

هذي بعض من ردود التفاعل مابين الشعب الوفي والاسياد ..

وكلنا معهم في أنتظار كلمه من سمو الامير بحق الاجازه لكي تكون الابتسامه شعار القطريين خلال هذه الفتره .. ولكي نرى الجمهور الوفي في أرض الملاعب ..

تحياتي لكم .. المخلب .

ما شاء الله عليك اخوى المخلب واااايد نشيط

يعطيييك العاافية..

معااهم حق ... يعني احنا طلاب الجامعة حضرنا المسيرة واحنا ندرس حق امتحاناتنا مو حالة هذي نبي نعيش مع العالم شوي..

مع العمل والدراسه
بنحس باللاسياد اكثر
الكثير ينتظر الاجازه عشان يسافرون

لالالالالالالالالالالالالالا مافي اجازة تبون اجازة عشان تسافرون هاهاهاها وانا اولكم

ما شاء الله عليك اخوى المخلب ،، والله خطير omen

شكرا لكم ..

يعطيك العافية اخوي المخلب ... :)

شكرا يا خوي .. والله يوفق ان شاء الله ..