محل Beverly Hills & Polo club

اخواني لو سمحتوا تمعنوو معاي الموقف بالعاده في محلات معينه تحط في بضاعتها السعر مع ذكر السعر بعمله ثانيه يعني يذكر كم سعره بالقطري ومذكور بالسعودي والاماراتي والكويتي والبحريني والعماني.
المهم عجبني شي قلت اشوف كم سعره ولاحظت ان سعر المذكور بالقطري هو اغلى شي من بين الدول الي مذكوره فوق يعني سعره اغلا من الاماراتي مع ان عمله القطريه اعلى وحطين سعره نفس السعودي مع ان عمله قطر اعلى بعد.
فجاني الموظف الي اهو مدير فعرف قلت له الموضوع وهو ع طول فهم الموضوع بسرعه فقال هذي الاسعار تجينا من الامارات.
فقلت وشرحت له هذا غلط وهذي الاسعار المفروض تكون اعاده نظر كذا تسرقون الناس فطلعت من المحل المحل في سيتي سنتر الدور الثاني اعتقد وتحت الصور تبين شنو اقصد.

التفاوت يكاد لا يُـذكر
أشوف الأسعار مضبوطة أخوي ALJokar
إذا ماني غلطان .

ونشوف بقية الآراء

اخوي دايما الأسعار في الجوار أرخص من قطر
وانا صار لي مده ماشتري شي من قطر

1-التفاوت في سعرنا وسعر الامارات شلون سعر الامارات ارخص مع ان عملتنا اعلى القطري
اكثر مما تتوقع شبون تقول يكاد يذكر شوف الفرق 36 ريال بينا وبين الامارات.
مع الاسعار ع كلام المدير يقول تجي من الامارات يعني معناته ان الممفروض تكون ارخص من للامارات لو بغينا نحسبها بيكون سعر الي فوق 346 ريال قطري يعني فيه فرق ب 3 من الاماراتي ريال.

2- التقاوت في سعرنا وسعر السعوديه فيها كسور احسب الكسور توصل الى تقريبا الى نص ريال او اكثر.

3- اذا مافيه رقابه ع الاسعار خلاص الكل راح يلعب في سعره بس سعر العمله واغلب الناس مع يعرف سعر العمله لدول الجوار ولا يفكر فيها يدفع.

ملف مرفق 94523ملف مرفق 94524


شوف فرق العمله بسعر اليوم وتاكد والسالفه مهيب فرق كسور ع قولتك توصل مثل ماقلت اكثر من النص بمعني الواحد اذا شراء شي بالمحل ياخذ له كم قطعه والثاني نفس الحاجه والاخر والباقي وعليك الحسبه نصب عليه كلهم بعذر فرق العمله.

مرة دخلت محل وسألتهم ليش ما تسوون تنزيلات .. قالوا لي احنا نسوي تنزيلات في كل الخليج الا قطر !!!!!!

بما انهم حاطين العملات !!

هل يصير ادفع لهم بالدرهم الامارتي !! لان جي انا الكسبان

السلام عليكم .. اخوي برأيي أنك ظلمتهم وطبيعي في قطر أغلى من البحرين والسعودية بحكم ارتقاع التكاليف والإيجارات والتضخم في قطر .. يعني لوتحسبها صح تشوف السعوديين هم المظلومين بالتسعيرة مب حنا

التفاوت بيننا وبين بعض الدول حسب صورتك 10%
وبيننا وبين الكويت 3% فقط
أما الإمارات ربما أرخص مننا يمكن مقرهم الرئيسي هناك ولا لهم مصانع .. فيوم ينقلونها لقطر يدفعون على النقل

يعني اللوم إذا هناك لوم يقع على التضخم في قطر فكل شيء عندنا أغلى من الدول المجاورة .. جات على هالمحل يعني!!!!!

انت قصدك ان المحل لزووم يدفع قيمه الاجار من بضاعته الي يبيعها ف دول الخليج او بالامارات بالخص ارخص
وان هو معذور عشان الاجار غالي يرفع قيمه السلعه وهي تنباع برخص ويبيعها بغالي بحجه الاجار


وشرايك بعد ندفع عنه قيمه الشحن ورواتب الموظفين المحل وندفع له عن الكهرباء والماء والظرايب بعد مره وحده


اقول انت اعتقد قايم ف صفه ومايد النصب ع زبائين اسحملي اخوي انت غلطان ما ظلمته

اقتباس:

---

المشاركة الأصلية كتبت بواسطة amaf535

بما انهم حاطين العملات !!

هل يصير ادفع لهم بالدرهم الامارتي !! لان جي انا الكسبان

---

والله سؤالك وجيه .. ايش رأيك تجرب و تقول لنا إذا يرضون أو لا