ليش قلتيلي أحبك ليش كنتي تخدعيني,,,,
http://www6.0zz0.com/2009/06/26/15/525743760.jpg
ليش نزلتي عيونك إرفعيها وطالعيني
والا يعني إنحرجتي يوم جاوبتي سؤالي
ليش قلتيلي أحبك ليش كنتي تخدعيني
ليش قلتيلي حبيبي ليش قلتيلي ياغالي
كان ممكن ما أحبك كان ممكن تتركيني
كان ممكن من بدايه تخدعي غيري بدالي
ليش أنا بالذات يعني ليش قولي جاوبيني
بعد غدرك خبريني وقولي بس شلي بقالي
والله إني ما جرحتك ليش أنتي تجرحيني
هنت على قلبك حسافه وإنقضت أجمل ليالي
والقهر للحين أحبك وادري إنك ماتبيني
والمحبه من طرف واحد نهايتها زوالي
كان عمري بيدينك قولي وش كان بيديني
أذكر إنه من غلاتك كان قدرك فوق عالي
كنت أتجاهل وأطنش يوم نغزاتـك متجيني
وكنت أقول الحب أكبر من تصرف لا مثالي
أبغي من وقتك دقيقه وليت أنك تمنحيني
بس أبا أقولك ثلاث أشياء وأروح أمشي لحالي
أولا : فعلا أحبك كنتي قلبي وعيني
وكانت الدنيا بوجودك شي روعه شي خيالي
ثانيا: عاللي بدر مني دخيلك سامحيني
يمكن أنه زل لساني وقلت إنك راس مالي
ثالثا: أسألك بالله وأطلبك لا تذكريني
احرقي كل القصايد وانسي أشواقي ووصالي
المهم إني أببعد وأنتي روحي وأتركيني
ارجعيله ومثلي دور البريئه اللي تبالي