عرض للطباعة
السلام عليكم ورحمة الله وبركاته
تداول موفق للجميع
عساكم من عوادة بمناسبة قرب حلول عيد الفطر السعيد وان شاء الله نشوف ارتفاعات قبل العيد وتكون فرحتنا فرحتين
وطبعا اعلانات ربع سنوية للشركات ستبدأ يوم 7 ابريل واول شركة ستعلن الاجارة (اتوقع نتائج ممتازة وتكون فاتحة خير على جميع الشركات)
بصراحة اسعار الاسهم حاليا تعتبر استثمارية (اشتري وخليه للربع الثالث او الرابع) لان الاسعار هذي اتوقع ستكون من الماضي
54 مليار ريال خسائر البورصه القطريه في الربع الاول
خسارة إفتراضية مثل عندك عقار يسوى من سنة 10 ملايين السنة هذي يجي يقيمه مقيم معتوه ب 7 ملايين انت افتراضياً خسرت 3 ملايين لكن فعلياً عقارك عندك ولا بعت نفس الشيء الأسهم تتحقق الخسارة لو بعت ولو ما بعت ممكن بعد فترة يرجع أعلى وهذي الأسواق متى تبيع ومتى تشتري هذا المهم وبعد متى تطلع من شيء ميت لشيء حي مثل العقار والبتكوين وغيرهم الدنيا مليانة فرص .. ممكن تطلع من شيء ميت أو بورصة ميتة لبورصة فيها روح وتعوضكاقتباس:
المشاركة الأصلية كتبت بواسطة ahmed saleh
اليوم افرادنا انتحاريين ما شاء الله عليهم باعوا اليابس والخضر بيعهم 105.7 مليون من تداول 202.1 مليون هذا معناه إحباط قوي 52.3% بيع لتداولهم .. الشعب يريد يلحق على ما تبقى من الثريد هههههه .. أصحاب الكرفتات والسن الذهبي ما لهم الا يغرفون إشتروا 122 مليون من تداول 346.8 مليون وبنسبة شراء عالية هالمرة 35,17% بس ما اتمنى يبيعون بكرة
الأفراد الخليجيين 2,1 شراء شرائهم عالي السوق مغري والمحافظ الخليجية بيع حول 15 مليون
الأفراد العرب تعادل تقريباً يمكن البيع ريالات بسيطة
الأفراد الأجانب بيع يقترب من 2.9 مليون والمحافظ الأجنبية بيع بسيط شوي فوق 0.6 مليون
للأسف
سوقنا بعيد كل البعد عن التنافسية
نحتاج حكمة وعقلانية وهدوء في صنع القرار
سوق سيارات مستعملة تبغي تبيع يستلمونك الدلالوة يطيحون سعر السيارة بكل طريقة تبي تشتري يطلعون السيارة ما فيه مثلها
من الأسواق اللي هبطت أكثر من سوقنا أمس الداو 0.8% وسوق الأسهم الصغيرة الأمريكي فوق 1% واليوم حالياً سوق الصهاينة 1.6% هبوط والله يزيدهم نقمة وعذاب والبرازيلي بعد أكثر أمس .. المشكلة سوقنا هبوط مظلي شوية هواء تخفف الهبوط بس الهبوط مستمر
بانتظر اغلاق يوم الخميس 4 ابريل .. بعدها باقول رايي.. بس عموما يعني فرضا ان سوقنا كسر 9300 نزول .. هنا اقدر اقول ان سنه 2024 بالنسبه للسوق لاتبشر بخير أبدا .. اتمنى مانكسر 9300 نقطه نزولا ……..
اليوم افرادنا رجعوا للشراء بحول 27,7 مليون ومحافظنا حول 0.6 مليون ريال .. كنت أتمنى شراء اقوى وجدية أكثر من محافظنا .. الأفراد الخليجيين 0.36 مليون شراءهم وهم قلة وقوة بسيطة مقارنة بمحافظنا .. الأفراد الأجانب 7.9 مليون شراءهم
البيع جاء أكثره من المحافظ الأجنبية 17.1 مليون والمحافظ الخليجية 8.4 مليون وأقل شيء الافراد العرب شوي فوق 0.9 مليون
الهبوط ممكن يستمر لنهاية الأسبوع قفال خلاص وبعد العيد سيجد ما هو جديد
كلها أرقام قابلة للتحقيق وصحيح الهبوط واضح من بداية السنة في يومين من شهر 4 وصلنا 1% هبوط وقربنا على 10% للفترة من بداية السنة سوق تعيس صراحة للي فيه وانا منهماقتباس:
المشاركة الأصلية كتبت بواسطة mubarak2006