نصب بطريقة ،، كوبون مشترياتر ،،

يالربع بعض الهايبرماركتات يسوون عروض خصوصا لاحظتها على الجوالات*..

سعر الجول مثلا ألفين ريال
يرفعون السعر ل ألفين وستمية ريال ويعطونك معاه كوبون مشتريات
مثلا بخمسميه ولا أربعمية ريال ..

النصب أولا أنه لا يوجد عرض وإنما تدليس على المشتري ليصرف
مبلغ العرض في الهايبر ماركت عندهم
ثانيا مقدا الرفع بالسعر لا يتناسب مع ما يسمونه عرضا
ثالثا هل يحق لهم رفع سعر الجوال بهذه الطريقه اسبوعيا ..

قبل العيد شرينا جوال للوالد دفعنا ألفين وستمية ريال عطونا كوبون
ب ثلاثمية ريال مشتريات ..
حسبتهم للجوال الفين وثلاثميه
هايبر ثاني مسوي عرض الفين وستميه مع كوبون خمسميه
يعني حاسبين الجوال بالف وميه
المحلات العاديه الف وتسعميه
نفس الجوال بنفس الضمان
بالعربي يجبرونك تشتري بحوالي سبعمية ريال من عندهم

أخوي كلمني اليوم الي عقبه وأتصلت بمحل رفيجي يقولي نبيع الجوال
ب بألف وتسعمية ريال :eek5:

كلمت أخوي ترد الجوال الحين وكانت ليلة العيد وقولهم أبغي فلوسي وخذوا
جوالكم ما أبغاه ولو عاندوا كلم حماية المستهلك
والحمد لله رجعوه مع انه كان مفتوح وخذينا فلوسنا
الي يضايق هالعرض يسوونه كل ويك اند والناس يشترون ولا يدرون بهالحركات

الحين يصير اصور اسعار البضاعه قبل العرض وبعد العرض واشتكي عليهم ولا مايصير