السلام عليكم ورحمة الله وبركاته
فديتكم بس يا ليت حد يفيدني بهالموضوع ؟؟ اذا عندي حد من الاهل من هالفئه وبغيت اطلع ستيكر حق السياره للمعاقين شنهي الاوراق المطلوبه مني , واذا عطيتهم الاوراق شكثر بنطر لين اخذ الستيكر ؟؟ وجزاكم الله خير
عرض للطباعة
السلام عليكم ورحمة الله وبركاته
فديتكم بس يا ليت حد يفيدني بهالموضوع ؟؟ اذا عندي حد من الاهل من هالفئه وبغيت اطلع ستيكر حق السياره للمعاقين شنهي الاوراق المطلوبه مني , واذا عطيتهم الاوراق شكثر بنطر لين اخذ الستيكر ؟؟ وجزاكم الله خير
انا بعد ابغي اعرف ... سمعت ان اللي عنده سكر يعطونه هالتصريح ؟؟؟
الي عنده سكرر يعطونه؟؟؟؟؟؟؟؟؟ شكوو
كدوا خير كل العالم فيها سكر الحين
عيل احنا بنحصل مواقف على طوول والي فيهم سكررر بيتمون يفترون لين يحصلون مواقف الهانديكب
انشالله يطبقون هالقانون و يعطون كل الي فيهم سكر الستكرررر
نبي حد يفيدنا في الموضوع جماعه ؟؟؟؟؟
انا سمعتهم مرة يقولون في التلفزيون اللي فيه سكر يعطونه !!!!
ان شاء الله تلقون حد يفيدكم
واعتقد جاجاسم مايقصر
ماتشوفون شر
المطلوب تقرير من الجنه الطبيه من مستشفى حمد عن الاعاقه
2موجه الي جمعة ذوي الاحتياجات الخاصه
3 وبعدين كتاب من الجمعيه ذوي الاحتياجات الخاصه الي أدارة المرور
4 موفقه ادارة المرور ثم يصرف الاستكر مسجل برقم السياره
وبس وسلامتكم
وعليكم السلام ورحمة الله وبركاته .
أولا : تروحين مستشفى حمد يطلعون لج تقرير طبي بحالة الإعاقة .
ثانيا : تاخذين التقرير لمركز ذوي الاحتياجات الخاصة ، وعلى ضوءه هم يحددون حاجتج للستيكر وعقب يعطونج كتاب لإدارة المرور .
ثالثا : تروحين إدارة المرور وعلى ضوء هالكتاب يعطونج استيكر واحد فقط لسيارة واحدة فقط وفي نفس الوقت يصرفون لج بطاقة خاصة لج بحيث لو أن شرطي المرور اشتبه في السيارة يطلب من الشخص المرخص له استيكر هالبطاقة .
هذي هي الإجراءات بكل سهوله .
والله طلعت سالفه طويله *_* .... ع العموم جزاكم الله خير اخواني على الردود وعساكم على القوه .....