كيوتل والجيدة يبيعونه بـ 700 تعلوا شوفوا سعره في الأنترنت !!
السلام عليكم ورحمة الله وبركاته
طبعا كيوتل بدأت تركب الالياف الضوئية في البيوت ومن ضمنها بيتنا بس أرسال الوايرليس في البيت تعبان لما أتصلت كيوتل وقلتلهم ابي حد يجي يشوف لي الوايرليس ما يغطي حتى ربع البيت
قالولي بنرسل لك فني يركب لك جهاز قيمته 700 ريال في الغرف الي فيها الوايرليس ضعيف ( كل غرفه تحتاج جهاز ) قلت لا حول ولا قوه على الأقل أركب في المجلس وبعدين اشوف حل
جاني الفني وركب لي الجهاز وقالي ما تبي اتركب في الغرف الثانيه قلتله لا مب الحين لما ابغي بكلم كيوتل فقالي اذا تبي كلمني وانا بجيبلك الجهاز بـ 650 ريال :eek5: مباشره من شركة الجيده!! على ما اعتقد هم الموردين, فقلت له انزين اذا بغيت بكلمك
قلت خل أشوف سعر الجهاز في الأنترنت يمكن أرخص ودورت عليه في أي باي وأمازون وحصلت نفس الجهاز بالضبط وتفاجأت بالسعر كلهم حدود 40 - 60 دولار ( حدود 200 ريال قطري :omg: )
يعني قاصين علينا و يربحون من وراانا فوق 200% خافوا الله , يعني اطلب 3 أجهزه عن سعر جهاز واحد هني !!
هذي صورة الجهاز
https://images-na.ssl-images-amazon....DXMJS.MAIN.jpg
والي حاب يطلب هذي لنكات الجهاز في امازون والأي باي
Cisco Wireless-N Range Extender
Cisco Wireless-N Range Extender
Cisco Wireless-N Range Extender
