مساكم الله بالخير
في صور كثيرة عندي كنت عامل لها برنت سكرين وحفظتهم بصيغة jpg
كانت اوكي اشوف الصور عادي
لكن من فتره صرت ما اقدر افتح الصور .. ما يطلع لي شي خير شر
استخدمت اكثر من برنامج واقوى البرامج لفتح الصور وما في فايده
مع العلم ان الصور محفوظة في فلاش ميموري
والصور لين الحين احجامها مثل ما هي ما تغير شي فيهم .. اللهم انها ما تفتح خير شر
ما تطلع رسالة خطأ ولا شي .. لما اكبس عليها مثلا على برنامج ACDSee تطلع الصورة سودا
شالحل ؟؟؟؟؟؟؟؟؟؟
في برنامج يرجع لي صوري ؟؟؟؟؟
ساعدوني
اقتباس:
المشاركة الأصلية كتبت بواسطة غشيم
مصور ملفات فيديو وهي شغالة كصور ؟؟
ان كان هذا اللي صورته
اعتقد ان البرنت سكرين يطلع الصورة سوده لما تصور فيديو
سواء كان بالميديا او الريل او غيرهم
ولو كان للشاشة كاملة Full screen
اكيد الصورة كاملة بتكون سوده
اما لو غير هذا ان شاء الله الاخوان يفيدونك
اقتباس:
المشاركة الأصلية كتبت بواسطة غشيم
هلا بك اخوي الكريم غشيم شلونك عساك بخير...
في البداية انقل الصور من الفلاش مميوري الى الجهاز الامر الثاني شيل يجميع برامج فتح الصور اللي ركبتها كلها ولاتخلى اي شىء بما فيهم برنامج ACD بعدها اعمل اعادة تشغيل للجهاز
ركب برنامج IrfanView
التحميل:- من هنا
وبعدها افتح صورك ذات صيغة jpg اللي نقلتها على الجهاز مو اللي على الفلاش ميموري تحياتي لك
فمان الكريم
كفيت وفيت يابوضاري الله لايهينك وهذا صراحة كلنا بنستفيد منة
الله يعطيك العافية يارب
ما شاء الله أخوي ابو ضاري ماقصرت، طريقة مفيدة بأجربها إن شاء الله...
أخوي غشيم احتمال الصور تلفت...والله أعلم...
لأن صار لي مثل هالموضوع وتلفت عندي صور عزيزة علي...
أعتقد السبب إن الفلاش عندك اخترب شوي لأنك الله يسلمك ما تعمل له Safely Remove Hardware قبل لتشيله من الكمبيوتر...وهالشي يسبب عطب في بعض أجزاء الفلاش..
الحين جرب اللي قاله لك أخونا الخبير ابو ضاري...وإن شاء الله بتسترجع الصور...
وفي المستقبل، حاول تخزن الصور المهمة عندك على سي دي وإلا دي في دي أضمن....
والله يوفقك...
الله يعافيكم يارب اخوي سالم عسانا ماننحرم من طلتك علينا اخوي الكريم و لا ننحرم ايضا من طلتك علينا اخوي الكريم بولينجر مثل ماذكر اخوي الكريم بولينجر قد يكون تلف مع نزع خاطيء للفلاش ادى الى تلف البيانات وتلف الصور
اذا مانفع معك الحل اعلاه اللي ذكرته هذه حل اخر عن طريق برنامج
Jpeg Enhancer
http://images.snapfiles.com/screenfi..._jpegfixer.jpg
اللي بيقوم باصلاح ملفات jpg التالفة اللي عندك على قدر الامكان
التحميل:- من هنا
تحياتي لك
فمان الكريم