المستثمر البريطاني الذي ربح من قطر .... و(طرطنجية) المستثمرين الذين يضيعون وقتهم
قبل 7 سنوات
وقبل طفرة الاسعار في العقار
جائني بريطاني .. وطلب مني ان اخذ اموال من عنده لاستثمرها في شراء اراضي في قطر .. بحكم ان الاجنبي ليس له حق بشراء اراضي
وكان يجلس معاي ويستخدم اسلوب المفاوضات negotiation لتحديد نسبة الارباح بينه وبيني
وانا (للاسف) ماكنت استخدم اسلوب (المفاوضات) و(التخطيط) و(المصلحة) معاه
بل استخدمت اسلوب (اليهالو) في التطنيش .. او التغلي .. او اسلوب دول العالم الثالث (الي يجيك اسفهه ..... والي يطنش لك اركض وراه) ..
ويوم شاف مني عدم الجدية .. تركني وذهب الى مستثمر غيري
وربح البريطاني طبعا
اما انا فخسرت قرابة 350 الف ريال من الاستثمار (ارباح بدون تعب سوا ان اضع اسمي)
والاسلوب الي استخدمته هو للاسف نظرية اغلب التجار في قطر وحتى في المنتدى
تغلي .. تطنيش .. عدم تخطيط
وتلاقي الاجنبي يزيد غنى
واحنا نقط فشلنا على الحكومات والقدر ... والاثنين براء
شخصيا تعاملت مع قرابة 30 مستثمر هنا
4 فقط الذين اكملت معهم الاسثتمار
اما الباقي .. فلايزالوا يعيشون على الاسلوب القديم الذي كنت استخدمه للاسف
الدنيا تمشي
ومحد ينتظر احد
وبالتوفيق للجميع
