(ياضيوفنا بيض الوجبه السمحه النبل الكرام ) جديد الشـاعر محمد بـــــن الذيب
ياضيوفنا بيض الوجبه السمحـه النبـل الكـرام
الليلـه العيـن الحزينـه مـاحـن مبكينـهـا
يامرحبـا ترحيبـة فيهـا غـلا والا انسجـام
تكاثروهـا القـوم والعجـمـان متشاوينـهـا
الله خلقنـا درجـات وكـل انـسـان مـقـام
لكن قربـه مـن عبـاده فـي تفـاوت دينهـا
والعين مدهال السهر والقلـب مدهـال الهيـام
والانفعـال اللـي يسببهـا التـفـاؤل بينـهـا
واشرف علامات السماحـه فالوجيـه الابتسـام
واعزهـا ضحـك الحجـاج فساعـة ياشينهـا
يامعزز صبيـان يـام بقدرتـك برجـال يـام
لي زمت من فوق الرجال استر علي من عينها
قد تعظم فعين الصغير اصغارها بـس العظـام
بعيونهـا تصغـر متاهـات الزمـن وسنينهـا
وان طاحت الدنيا على راسي ماخلتنـي حطـام
اصيح فقصاء يـام وعيونـي علـى شبرينهـا
ياوجد حالي يابني عم السعـد فـي كـل عـام
يوم المواتر خيـل والمـوت الحمـر تامينهـا
اليا وقفنامـع طويليـن الشبـور نشـك خـام
امـا لعيـن ابـن المرظـف او لبـن حثلينهـا
والطنخه اللي صدق والفعل المحكحك.. والكلام
فعول ربعي يوم ردينـا القضـاء فـي حينهـا
يوم اعتزينا والرماح مركـزه والـدرب شـام
صدورنـا مدهـال للطعـنـات ومضرينـهـا
في جسم الانسان الطبيعي حسب ماجاء من علام
نظـام اسمـه كريـات الـدم واللـي فجينهـا
هذي ليا ضقنا يجـي فيهـا سـوات الانقسـام
تذوب لين ان الغضـب يغلـب علـى تكوينهـا
ويضخها عرق الطنا مثل العرق عبـر المسـام
اكبـر اشعـه نافـذه ماعـاد تـدري وينـهـا
قد صيـح التاريـخ يالعجمـان مامنهـا سـلام
النصـر والا المـوت قلنـا هاتهـا ثنتينـهـا
لو الصحابه عاصرو راكان وحـروب الامـام
تجاوزت عن ماحصل فـي بدرهـا وحنينهـا
نملى عقول الناس فكر ونكسب اكثـر لاحتـرام
ونجي ديـار جهينـه ونحشـم كثيـر جهينهـا
وارجلينا فوق الثـراء وارقابنـا فـوق الغمـام
وان انحت ابراج السماء حـن اللـي امنحينهـا
والا التهامي يلوي اشدوقه وتصفـق لـه تهـام
وسيوفهـا ماهـي تهـوم الاعلـى سكينـهـا
ياقانـي الجربـاء تراهـا لاتبـاع ولاتـسـام
لوتنطلـي مـن خشمهـا لفرسـن اكراعينهـا
واللي فراسه حب مايطحن وفي خشمه اعـرام
ياتي مع وجـه العـرب لايمـر مـع جنبينهـا
في شارب ابي راشد اللي قومتـه لامنـه قـام
تهز راسي من طنخ وتشوش بـي فـي حينهـا
ماكبرت الحمله على كتف الجمل قبـل العظـام
الاوكتفـه قـد صلفـات السنـيـن ولينـهـا
اليـا نكحناهامـع رجلينهـا وفمـهـا حــرام
وشلـون ننكحهـا مـع فمهـا ومـع رجلينهـا
جديد لابن الذيب
