عندي محلات تجاريه وكبار التجار رافضين تاجيل الاجار!

سلام عليكم

عندي كذا محل تجاري

وناس من اكبر كبارية الدولة واغناهم

رافضين ينزلون الاجار او حتى ياجلون

الوضع صعب جدا البيع نزل باكثر من 60% مب قادرين نغطي شي

شالحل؟

الله يعينك ويوفقك

صراحة الوضع تعبان والكل يبي يحتفظ بالكاش

أتوقع لازم يسوون آلية لمساعدة الخسرانين وبدوا في بعض الإجراءات وأتمنى مساعدة أصحاب رؤوس الأموال الصغيرة والأعمال التجارية البسيطة

للأسف هناك جشع كبير في هذه الفترة من بعض التجار
والخلل ليس من التجار بل من وزارة الاقتصاد
ويفترض ان يكون هناك صندوق دعم للمشاريع الصغيرة والمتضررين من الأزمة
لأن التاجر سيتكبد مصاريف ضخمة من الايجار والرواتب والسكن

ان شاء الله ربك بيحلها

,

,


مرحبا


اخوي الكريم


الوقت الي نعيشه الان وقت استئنائي على الجميع

والعمل يجب ان يكون استثنائي

افضل طريقه اليوم

انك تكلم أصحاب المحلات الي جنبك وتعملون كتاب ( جماعي ) انكم تمرون بظروف صعبه
وما يخفى على احد هذه الظروف وتطلبون فيه خفض الايجار او تاجيله

وكل شركه صاحبها يوقع تحت بالكتاب
5 او 6 محلات او شركات بصوت واحد

وتطلبون ( مقابله ) مدير صاحب السوق او صاحب السوق شخصيا اذا في مجال
تمرونه المجلس

( الكلام الجماعي ) يختلف عن طلب ( منفرد ) او كل واحد يتكلم مره ويسكت
على الأقل تحصلون على تأجيل او دفع ( نصف الايجار )


وبعدها تكتب كتاب انك بتترك المكان خلال شهرين واصحابك يعملون مثلك أيضا
لازم شوي عمل ( جدي ) تجس النبض وتحط الموضوع على الطاوله
وليس كلام شفي


اكثر الملاك ما يتحرك الا اذا حس مكانه بيفضى
وان المستاجر بيطلع حقيقه وليس مجرد كلام شفهي

قط خيطك ( ابلد البحر ) خل النوخذا يصحى ويفكر جد
:)

,

,

محلات محصلت مستأجر