عرض للطباعة
السلام عليكم ورحمةالله وبركاته
http://im14.gulfup.com/2011-10-06/1317929199914.jpg
جاتني بنتي وطلبت مني اشتري لها نظارة شمسية
والثانية جاتني وطلبت مني اشتري لها نظارة طبية
ورحنا محل تميم للنظارات
وسالت عن أسعارهم بصراحة انصدمت
على 1500 وفوق
معقولة ..؟؟
يا ليت احد يفيدني عن أرخص محل للنظارات
وجزاكم الله خيرا
جواهر شارع النصر او العزيزيه
مدام هم طالبات في الوقت الحالي اخذي لهم موعد على الصحه المدرسية وهم بيحولونهم على محل بالسد نسيت اسمه وبيعمل لكم خصم 40% والنظارة الطبيه مع العدسات المانية بتطلع عليكم بـا 400 ريال او 450 ريال .
اشدعوة أختي 1500؟
نظّارات الجابر على 1000 ومن أحسن ما يمكن.
بس ترى هالكلام على الطبّية. الشمسيّة أسعارها مفتوحة عندج من الألف وفوق.
بس مثل ما قال أخوي السلولي، تقدرين تروحين الصحة المدرسيّة وبيعطونج مبلغ محدّد تزيدينه وتاخذين النظّارة الطبّية اللي تبينها. حتّى الشمسيّة يسوّونها طبّيّة بعد، وآنا ماخذ لي أكثر من وحدة.
على العموم المحل اللي في السدّ والله أعلم هو نظّارات الجابر، إذا كان هو اللي مجابل الصالون الأزرق، وجنب سفريّات ريجينسي. أغلب المحلاّت تعطي خصومات، وخصوصًا إذا كان أبو العيال يشتغل في جهة لها خصومات، ويقدر يتأكّد من العلاقات الخارجيّة.
بالتوفيق.
روح الرازي شارع ال شافي افضل محل نظارات من ناحية الاسعر طبيه وشمسيه
إذا فيه مجال أتمشون صوب الحسا
تغيرون جو وتفصلون النظارات وتعشون مندي لحم وتردون على البراد
مره كنت في الحسا أتصل على واحد من الشباب يطلب أمر على محل النظارات أستلم نظارته
نسيت كم كان السعر. أذا حابين اجيب السعر
الشيئ بالشيئ يذكر:- من سنة كنت في بانكوك وأخذت موعد في مستشفى العيون وليست عيادة
سيارة المستشفى أخذتني من باب الفندق برفقة موظف الأستقبال الى المستشفى
في المستشفى كان في استقبالي مترجم
في الأول مع الممرضات فحص العين على كذا جهاز
ومن ثم الدخول على الطبيب
ومن بعد تم التحويل الى قسم تفصيل النظارات
موظفة قسم النظارات أعتذرت لي لإرتفاع الأسعار بسبب إن جميع البضاعه ماركات يابانية والعدسات صناعة يابانية وخيرتني اذا حاب اشتري من خارج المستشفى صناعه تايلنديه او صينية، لكن وافقت على بضاعتها
بعد إختيار فريم النظارة، قالت بكرة تجهز ونرسلها لك الفندق بعد فحص الطبيب للعدسات، لأنك سوف تستخدمها تحت مسؤوليته.
ونفس السيارة أخذتني للفندق و في اليوم التالي وصلت النظاره
كل هذا بـ 5000 بات حوالي 550 ريال
فيه محل نظارات جنب مطعم البتراء في تاون سنتر بن عمران
رخيييص لدرجه كبيرة
اذا على الأسعار في محل داخل اللولو فرع المطار
أسعاره ولا أروع وعنده تشكيلة واسعة من النظارات
نظارات الجابر توني مسويه وحده طبيه مع الفريم 1200
صج نظارات تميم غاالي عنده
نظارات يتيم اللي فالستي هاي اسعاره زينه بعد