& فـــي مهــب الريــح &

فـــي مهــب الريــح
سلطان بن عادي المطيري

فـــي مهــب الريــح ودروبــه نثــرت
حلــم مــا غيــره ولجلــه مـــا حييـت

اشهـد انـك قاسـي (ن) يومك هجرت
واشهـــد انــي فـــي محبتكـــم وفيـت

مانسيتـك حتــى اقـــول انــي ذكــرت
ولا سليتك حتـى اقـــول انـــي سليـت

كــل مـا سـجيــت بعـيونـــي حضـرت
عــايش(ن) فــي قلبـي اللي به ربيت

جيتنــي مــن بعـد مــا غبت وضهرت
والأمـانـــي بيــن حــي وبيـــن ميــت

كيـف يا خلــي علــى قلبـــك قـــدرت
طـاوعــــك قلبــك علـــي ولا نسيــت

انتظــرتـك وانتظــرتــك وانتظـــرت
ويــوم ضــاع العمــر قلـي ليه جيـت

ياكثـر وقـتٍ علــى شانـــك هـــدرت
وانـت لاهـــي ياحـبيبـــي ما دريــت

وياكثــرمــا نامـت النـاس وسهـرت
مـع خيـالك يا حبيبــي كــم سريـــت

كــم وكـم دورت لـك عـذر وعـذرت
والمعانــي تنتحـر بـــي بيــت بيــت

إيـه مـا زلـت أعشقـك لكـن صبرت
والدليـل انـي علــى شانـك عـزيـت

وكـل ما طــروك صـديـت وزفــرت
وقمـت أجـاوب ونـةٍ مـعـهـا بكيــت